Etorkizuneko proiektuak

Inkestaren gogoeta eta lanaren eta egindako tailerren ondorioz epe luzera definitzen diren ekintza nagusi eta estrategikoak

Sareak landu behar dituen proiektuen artean, prestakuntza duala enpresetan finkatzearekin eta baso-/egur-sektorearen errealitatea ezagutzera ematearekin zerikusia dutenak daude, eta baita karbono gutxiko ekonomia berdearen garapenari egiten dion ekarpena ere, lehen eta bigarren hezkuntzako zikloetan. Sektorearen inguruko ezagutza eskoletako ikasleen artean haztea lortzeko eta baso-jarduera eta egurraren transformazio-jarduera ezagutzera emateko, ikasgai espezifikoak sortzen ari dira.

“BASO EGUR HEZKUNZA SAREA” sortzea

Inkestetan eta egindako tailerrean jasotako arazo nagusiei erantzun nahirik, baso-/egur-sektorearekin lotutako hezkuntza eta prestakuntzaren eremuan lan egiten duten eragile guztiak koordinatzen dituen sare bat sortu eta dinamizatzen da.

Gehiago Gutxiago

Prestakuntza duala eta programa pilotuak Enkarterri eta Udaibain finkatzea

Tknika-tik eta Lanbide Heziketako zentroen saretik jadanik dinamizatzen den prestakuntza Duala finkatzea, eta prestakuntza dualeko pilotu bat Enkarterri eta Urdaibai eskualdeetan abiatzea, bertako industria eta prestakuntza-zentroak elkarrekin lotzeko.

Gehiago Gutxiago

Dokumentazioa / lehen hezkuntzarako materiala

Baso-kudeaketa jasangarriaren eremuari eta Euskadiko industria eta egurrarekin ekoiztutako produktuei buruzko material didaktikoa definitu da. Prestakuntza- eta sentsibilizazio-helburu batez, gai hauen ingurukoa: baso-kudeaketa, basoa, berton dauden fauna eta flora, eta Euskadiko Baso-bioekonomia Zirkularraren garapenerako lortzen diren edo lortu daitezkeen produktuak.

Epe laburrera, bi material didaktiko mota egitea proposatzen da, bata irakasleei zuzendua eta bestea gehienbat Lehen Hezkuntzako haurrei zuzendutako jarduerekin. Material osoa egiteko, lankidetza-hitzarmen bat lortu da Akitaniako erakundeekin, Akitania Berria eskualdean jadanik prestatu duten eta dinamizatzen ari diren dokumentazioa erreferentzia eta eredutzat hartuta.

Gehiago Gutxiago

“Eskola Berria” proiektua – Berrikuntza Euskadiko prestakuntzan

Proiektua eta beraren ekintzak bultzatzeko helburua ezarri da, Hezkuntza Sailarentzako Proiektu Berritzaile gisa. Lehen sektoreari lotuta, “BASO EGUR HEZKUNTZA SAREA” sortzearen asmoa da eragile guztiekin koordinatutako ekintzak garatzea, prestakuntzaren eremua berriztatzeko, Euskadiko Baso-bioekonomia Zirkularraren garapenerako.

Gehiago Gutxiago